जीवन सुखदु:खाची जाळी, त्यांत लटकले मानव-कोळी
एकाने दुसर्‍यास गिळावे हाच जगाचा न्याय खरा

हीच जगाची परंपरा !
तू जपुन टाक पाऊल जरा, जीवनांतल्या मुशाफिरा

पापपुण्य जे करशिल जगती, चित्रगुप्त मागेल पावती
पापाइतुके माप ओतुनी जे केले ते तसे भरा

निरोप जेव्हा येईल वरचा, तेव्हा होशिल सर्वांघरचा
तोवर तू या रिपु जगाचा, चुकवुनि मुख दे तोंड जरा

दानव जगति मानव झाला, देवाचाही दगड बनविला
कोण कोठला तू तर पामर, चुकून तुझा करतील चुरा