मही	-	पृथ्वी.
मोद	-	आनंद
विहंग	-	विहग, पक्षी.
श्रांत	-	थकलेला, भागलेला.
सुरस	-	मधुर.

'नवयुग चित्रपट लि.' पुणे येथे मा. विनायक यांचे तर्फे एक लहान मुलगी दत्ता डावजेकर यांचे कडे 'टेस्ट घ्या' असा निरोप घेऊन आली. फ्रॉक घातलेली व केसांना भरपूर तेल माखलेली सावळी मुलगी पुढे उभी राहिल्यावर डावजेकरांनी विचारले, 'तुला गाणे येते का?' मुलीने होकार दिला. गाणे सुरू करण्यास सांगितले. तेव्हा तिने मा. दीनानाथांचे प्रसिद्ध नाट्यगीत अशा काही तयारीने गायले की डावजेकरांची पेटी वाजविताना तारांबळ उडाली. डावजेकरांनी मुलीला गाणे थांबवून विश्रांती घेण्यास सांगितले व ते तडक मा. विनायकांकडे गेले. 'माझ्याकडे पाठविलेली मुलगी कोण हो? तिला काही केल्या हातची गमावू नका.' डावजेकरांनी सांगितले. मा. विनायक म्हणाले, "डी.डी., तुम्हाला माहीत नाही?"

ही मा. दीनानाथांची मुलगी लता मंगेशकर !" १९४२ मधली ही गोष्ट !
(संपादित)

सौजन्य- श्री भारत बुक डेपो, मुंबई.

* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.

  इतर संदर्भ लेख