A Non-Profit Non-Commercial Public Service Initiative by Alka Vibhas   
तुझी झाले रे

गगनामधुनी देखियले तुज- सांगाया गुज आले रे
तुझी झाले रे तुझी झाले !

हिमराजींच्या अंगावरती बाळपणाची फुलली नाती
कुंवारपण येताच मनाला ओढ अनामिक कळली होती
क्षितिजामागुन येता चाहूल नकळत पाऊल पडले रे !

उंच पहाडी, राने-डोंगर, खोल दर्‍यांचा अवघड परिसर
कधी काळोखी दाटुन येता फसव्या वाटा झाल्या धूसर
हृदयामधल्या दीपासोबत वाट विचारत आले रे !
गीत - यशवंत देव
संगीत - यशवंत देव
स्वर- मंगला नाथ
गीत प्रकार - भावगीत
गुज - गुप्‍त गोष्ट, कानगोष्ट.

Please consider the environment before printing.
कागद वाचवा.
कृपया पर्यावरणाचा विचार करा.