A Non-Profit Non-Commercial Public Service Initiative by Alka Vibhas   
तुझी साथ हवी रे रोज

तुझी साथ हवी रे रोज मला
नवी बात खुलू दे प्रीतफुला

जशी दिवसामागे रात फिरे
गाणी प्रीतिची ग गात फिरे
दे हाती तुझा रे हात मला
मी देईन सजणा सूख तुला
नवी बात खुलू दे प्रीतफुला

मनी जागे झाले प्रेम खरे
गाली प्रीतिची ही खूण उरे
संसार सुखाची ओढ मला
कधी सोडून जाणार नाही तुला
नवी बात खुलू दे प्रीतफुला

तुजसाठी माझा जीव झुरे
हे स्वप्‍न मनीचे व्हावे पुरे
झोप येतच नाही रोज मला
किती जागून देऊ साद तुला
नवी बात खुलू दे प्रीतफुला

 

Print option will come back soon