A Non-Profit Non-Commercial Public Service Initiative by Alka Vibhas   
तुझ्याचसाठी तुझे घेउनी नाव

तुझ्याचसाठी तुझे घेउनी नाव
सोडिला कायमचा मी गाव

गाव-शिवेवर आस थांबली
तुझ्याचसाठी दृष्ट लांबली
अंधारी ही बुडे साउली
तूच प्रकाशा वाट पुढती दाव

गात गुणांची तुझी आरती
मनात पूजिन तुझीच मूर्ती
संकट येता हाकेपुढती
कृष्णापरी तू धाव, सखीला पाव
गीत - पी. सावळाराम
संगीत - वसंत प्रभू
स्वर- लता मंगेशकर
चित्रपट - पावनखिंड
गीत प्रकार - चित्रगीत
शीव - हद्द / मर्यादा.

 

Print option will come back soon