A Non-Profit Non-Commercial Public Service Initiative by Alka Vibhas   
तुला या फुलाची शपथ

तुजहून लाजरे हे, बोलावयास लाजे
हे फूल लाजवंती सांगेल गुज माझे
होकार दे तयाला नाही म्हणू नको ग
नको ग, फुलाची शपथ
तुला या फुलाची शपथ

तू तो धनी धनाचा, मी एक दीन दासी
का जोडीसी जिवांसी अपमान आपदासी
एका अकिंचनेला भलते पुसू नको रे
नको रे, फुलाची शपथ
तुला या फुलाची शपथ

मानून स्वामिनी हे तुज फूल वाहिले मी
पाहून साहसा या भ्याले शहारले मी
माझी न योग्यता ती, मज उंचवू नको रे
नको रे, फुलाची शपथ
तुला या फुलाची शपथ
अकिंचन - निष्कांचन, निर्धन.
गुज - गुप्‍त गोष्ट, कानगोष्ट.

Please consider the environment before printing.
कागद वाचवा.
कृपया पर्यावरणाचा विचार करा.


Random song suggestion
  आशा भोसले, सुधीर फडके