A Non-Profit Non-Commercial Public Service Initiative by Alka Vibhas   
त्या क्रूर लाल ज्वाळा

त्या क्रूर लाल ज्वाळा
आवर्त त्यात सुटले
वणव्यात बाग जळला
आता गुलाब कुठले

केला कशास तेव्हा
आकांत पाखरांनी
हृदयात आज त्यांचे
पडसाद खोल उठले

झाले उजाड अवघे
उरले न शेष काही
राखेत जीवनाच्या
सारेच रंग विटले

ठेऊ कशास मागे
भावार्थ अक्षरांचे
सुचले न तो मनाचे
उघडून दार मिटले
शेष - बाकी, अवशिष्ट.