उडाला राजहंस गगनात
उडाला राजहंस गगनात
सांगितलेल्या कथा तयांच्या रुणझुणती कानात
अधीर पापण्या उंच उभारून
हंसामागे गेले लोचन
भर दिवसा ये जग अंधारून
जागेपणी मी फिरते बाई कोणा सुखस्वप्नात
राजकन्यके सखि दमयंती
बोलतेस तू कुणा संगती
सख्या मैत्रिणी कोणी न दिसती
कसली बाधा तुला झाली येथे उद्यानात
या बाधेचा बोध न झाला
अजुनी माझ्या तरुण मनाला
नकोस सांगू तूही कुणाला
प्रासादाची वाट विसरले ने मजसी सदनात
सांगितलेल्या कथा तयांच्या रुणझुणती कानात
अधीर पापण्या उंच उभारून
हंसामागे गेले लोचन
भर दिवसा ये जग अंधारून
जागेपणी मी फिरते बाई कोणा सुखस्वप्नात
राजकन्यके सखि दमयंती
बोलतेस तू कुणा संगती
सख्या मैत्रिणी कोणी न दिसती
कसली बाधा तुला झाली येथे उद्यानात
या बाधेचा बोध न झाला
अजुनी माझ्या तरुण मनाला
नकोस सांगू तूही कुणाला
प्रासादाची वाट विसरले ने मजसी सदनात
| गीत | - | ग. दि. माडगूळकर |
| संगीत | - | सुधीर फडके |
| स्वर | - | |
| चित्रपट | - | भिंतीला कान असतात |
| गीत प्रकार | - | चित्रगीत |
टीप - • या गीताचे मूळ ध्वनीमूद्रण आमच्याकडे नाही. आपल्याकडे असल्यास, कृपया alka@aathavanitli-gani.com या इ-पत्त्यावर पाठवा. ते रसिकांना ऐकण्यासाठी इथे उपलब्ध करून दिले जाईल. |
दाद द्या अन् शुद्ध व्हा !