A Non-Profit Non-Commercial Public Service Initiative by Alka Vibhas   
उठा सकळजन उठिले

उठा सकळजन उठिले नारायण ।
आनंदले मुनिजन तिन्ही लोक ॥१॥

करा जयजयकार वाद्यांचा गजर ।
मृदंग विणे अपार टाळ घोळ ॥२॥

जोडोनिया दोन्ही कर मुख पाहा सादर ।
पायावरी शिर ठेवूनियां ॥३॥

तुका ह्मणे काय पढियंते तें मागा ।
आपुलालें सांगा दु:ख सकळ ॥४॥
रचना-संत तुकाराम
संगीत - अण्णा जोशी
स्वर - उषा मंगेशकर
गीत प्रकार - संतवाणी
पढियंता - लाडका, प्रिय.