A Non-Profit Non-Commercial Public Service Initiative by Alka Vibhas   
ऊठ शंकरा सोड समाधी

ऊठ शंकरा सोड समाधी
वनात आला मदन पारधी

पंचशरांनी भाता भरुनी
उभा रतिपती माझ्या नयनी
पुष्पधनुष्या करी सरसावुनी
अचुक तुझ्या तो हृदया वेधी

सप्तस्वरांची झडवित नौबत
मीनांकित ध्वज मिरवित मिरवित
जवळी ये रथ, आला मन्मथ
सख्य तयाशी सविनय साधी
गीत- ग. दि. माडगूळकर
संगीत - दत्ता डावजेकर
स्वर - कृष्णा कल्ले
चित्रपट- पडछाया
गीत प्रकार - चित्रगीत
नौबत - मोठा नगारा.
भाता - बाण ठेवण्याची पिशवी.
मन्मथ - मदन.
मीन - मासा.
रति - मदनाची पत्‍नी / सुंदर स्‍त्री.