A Non-Profit Non-Commercial Public Service Initiative by Alka Vibhas   
उठा उठा सकल जन

उठा उठा सकल जन, वाचे स्मरावा गजानन
गौरीहराचा नंदन गजवदन गणपती

ध्यानि आणुनी सुखमूर्ती, स्तवन करा एके चित्ती
तो देईल ज्ञानमूर्ती मोक्ष सुख सोज्वळ

जो निजभक्तांचा दाता, वंद्य सुरवरां समस्तां
त्यासी गाता भवभय चिंता, विघ्‍नवार्ता निवारी

तो हा सुखाचा सागर श्री गणराज मोरेश्वर
भावे विनवितो गिरिधर भक्त त्याचा होउनी

Please consider the environment before printing.
कागद वाचवा.
कृपया पर्यावरणाचा विचार करा.