A Non-Profit Non-Commercial Public Service Initiative by Alka Vibhas   
वादळाचा वेग घेउन

वादळाचा वेग घेउन चांदणे मी प्यायले
अन् सुखाचा साज सारा रोमरोमी ल्यायले

चंदनाचा गंध दाटे भारलेल्या अंतरी
पैंजणाच्या पाउलांनी रोज भिडले अंबरी
वाकलेल्या या नभाने विश्व माझे व्यापिले

मी जगावे सर्वकाळी रेशमी नात्यातुनी
गुंतला हा जीव आता या तुझ्या श्वासांतुनी
रे तुझ्या रूपातुनी मी ईश्वराला पाहिले
गीत - राम मोरे
संगीत - श्रीनिवास खळे
स्वर- अपर्णा मयेकर
गीत प्रकार - भावगीत

Please consider the environment before printing.
कागद वाचवा.
कृपया पर्यावरणाचा विचार करा.