विहीणबाई सांभाळा हो
विहीणबाई सांभाळा हो, दिला पोटचा गोळा
लेक समजुनी तिजला अपुली मायापाखर घाला
गरीब आम्ही, धनदौलत ना जरी आमुच्या घरी
उणा न केव्हा परि जिव्हाळा मायेचा अंतरी
चुकले जर का लहान अजुनी, राग ना धरावा
दिनरात राबवा परि मायेचा हात पाठिवर फिरवा
सासू? छे ! - तुम्हीच आता तिला आईच्या ठायी
पदरात घातली नउमासांची सारी पुण्याई
आवर आसू मुली, सुखाने घरी आपुल्या जा
भाग्यवती हो, औक्षवती हो, आशीर्वाद हा माझा
लेक समजुनी तिजला अपुली मायापाखर घाला
गरीब आम्ही, धनदौलत ना जरी आमुच्या घरी
उणा न केव्हा परि जिव्हाळा मायेचा अंतरी
चुकले जर का लहान अजुनी, राग ना धरावा
दिनरात राबवा परि मायेचा हात पाठिवर फिरवा
सासू? छे ! - तुम्हीच आता तिला आईच्या ठायी
पदरात घातली नउमासांची सारी पुण्याई
आवर आसू मुली, सुखाने घरी आपुल्या जा
भाग्यवती हो, औक्षवती हो, आशीर्वाद हा माझा
| गीत | - | मा. ग. पातकर |
| संगीत | - | श्रीधर पार्सेकर |
| स्वर | - | सरस्वतीबाई राणे |
| गीत प्रकार | - | भावगीत |
| ठाय | - | स्थान, ठिकाण. |
दाद द्या अन् शुद्ध व्हा !
सरस्वतीबाई राणे