A Non-Profit Non-Commercial Public Service Initiative by Alka Vibhas   
वीणावती मी तुझी प्रियकरा

वीणावती मी तुझी प्रियकरा
सप्तसुरांच्या छेडित तारा रात्रंदिन बसले

अमृतकर ते मिळुनी आपुले
नंदनवनीचे रोप लाविले
नवरसगंधे बहरुन आले
अन्‌ प्रीतीचे अरुण पुष्प हे
हसुनी फुलले, फुलुनी हसले

तुझ्याचसाठी तुझी गायिका
अखंड गाईल भावगीतिका
वाट पाहता राजा रसिका
कितीदा आल्या श्रावण राती
चैत्र चांदणे कितीदा फुलले
गीत - पी. सावळाराम
संगीत - वसंत प्रभु
स्वर- लता मंगेशकर
चित्रपट - तारका
गीत प्रकार - चित्रगीत
अरुण - तांबुस / पिंगट / पहाट, पहाटेचा तांबुस प्रकाश / सूर्यसारथी / सूर्य.