A Non-Profit Non-Commercial Public Service Initiative by Alka Vibhas   
या घरची मी झाले गृहिणी

नव्हे किशोरी किंवा रमणी
या घरची मी झाले गृहिणी

सान दिराची करिता सेवा
नवी भावना येई अनुभवा
वात्सल्याने मन ओथंबे चिमणे मुख पाहुनी

वडील दिराचे वाटतसे भय
दास्य जाणवे, आठवते वय
स्वामित्वच ते घरी वावरे नमते पदी धरणी

कष्ट उपसणे मिटल्या ओठी
सुसह्य मज हो एकासाठी
सौभाग्याचे धनी लाभले प्रेमळ अन्‌ सद्गुणी
रमणी - सुंदर स्‍त्री / पत्‍नी.
सान - लहान.

 

Print option will come back soon