A Non-Profit Non-Commercial Public Service Initiative by Alka Vibhas   
यशाने दुमदुमवू त्रिभुवने

यशाने दुमदुमवू त्रिभुवने

सकल भेद भारती मिटावे
अभिमाने हे राष्ट्र उठावे
आकाक्षांनी अशा आमुची संचरलेली मने

कर्तुत्वाच्या विश्वासावर
सदैव आम्ही राहू निर्भर
नैराश्याचे ऐकु न येइल यापुढती तुणतुणे

मन का दुबळे अदास व्हाया?
लोह असे का मन गंजाया?
का भीषण त्या मुशीत सोने ठरते हिणकस उणे?

वाळूवरती मीन तडफडे
तसेच अमुचे जीवन उघडे
ध्येयसागरी विहरू अथवा क्षणी संपवू जिणे

संकल्पाच्या सिद्धीवाचुन
थांबू आम्ही एकहि न क्षण
नेत्याच्या त्या आधीन केवळ अमुची ही जीवने

धीर-वृत्तिचा उंच हिमाचल
भीषणतेतहि निर्भय निश्चल
नेता ऐसा मिळे अम्हांला, काय असे मग उणे
गीत- नाना पालकर
संगीत -
स्वर -
गीत प्रकार - स्फूर्ती गीत
मीन - मासा.