अग्गोबाई ढग्गोबाई (१)
अग्गोबाई ऽऽ ढग्गोबाई ऽऽ लागली कळ
ढगाला उन्हाची केवढी झळ !
थोडी न् थोडकी, लागली फार !
डोंगराच्या डोळ्याला पाण्याची धार !!
वारा वारा गरागरा सो सो सूम..
ढोल्या ढोल्या ढगात ढुम ढुम ढुम..
वीजबाई अशी काही तोर्यामध्ये खडी
आकाशाच्या पाठीवर चम चम छडी !!
खोल खोल जमिनीचे उघडून दार
बुड बुड बेडकाची बडबड फार !
डुंबायला डबक्याचा करूया तलाव
साबु-बिबु नको.. थोडा चिखल लगाव !!
ढगाला उन्हाची केवढी झळ !
थोडी न् थोडकी, लागली फार !
डोंगराच्या डोळ्याला पाण्याची धार !!
वारा वारा गरागरा सो सो सूम..
ढोल्या ढोल्या ढगात ढुम ढुम ढुम..
वीजबाई अशी काही तोर्यामध्ये खडी
आकाशाच्या पाठीवर चम चम छडी !!
खोल खोल जमिनीचे उघडून दार
बुड बुड बेडकाची बडबड फार !
डुंबायला डबक्याचा करूया तलाव
साबु-बिबु नको.. थोडा चिखल लगाव !!
| गीत | - | संदीप खरे |
| संगीत | - | सलील कुलकर्णी |
| स्वर | - | सलील कुलकर्णी, संदीप खरे |
| अल्बम | - | अग्गोबाई ढग्गोबाई |
| गीत प्रकार | - | बालगीत, ऋतू बरवा |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !