A Non-Profit Non-Commercial Public Service Initiative by Alka Vibhas   
आयुष्यावर बोलू काही

जरा चुकीचे, जरा बरोबर बोलू काही!
चला दोस्तहो आयुष्यावर बोलू काही!

उगाच वळसे शब्दांचे हे देत रहा तू
भिडले नाहीत डोळे तोवर बोलू काही

तुफान पाहुन तीरावर कुजबुजल्या होड्या
पाठ फिरू दे त्याची नंतर बोलू काही

हवेहवेसे दुःख तुला जर हवेच आहे
नकोनकोसे हळवे कातर बोलू काही

उद्या-उद्याची किती काळजी बघ रांगेतुन
परवा आहे उद्याच नंतर बोलू काही

शब्द असू दे हातामध्ये काठी म्हणुनी
वाट आंधळी प्रवास खडतर बोलू काही
गीत- संदीप खरे
संगीत - संदीप खरे
स्वर - सलील कुलकर्णी , संदीप खरे
अल्बम- आयुष्यावर बोलू काही
गीत प्रकार - कविता
कातर - कापरा / आर्त.

 

Random song suggestion
  सलील कुलकर्णी, संदीप खरे