चंद्राविना ठरावी जशी
चंद्राविना ठरावी जशी पौर्णिमा निरर्थ
आयुष्यही तसे ग प्रेमाशिवाय व्यर्थ !
झेपावतात लाटा चंद्रास भेटण्यासी
विजनी वसंत येता आह्लाद कोकिळेसी
मधुमालती जशी ग गंधाविना निरर्थ
आयुष्यही तसे ग प्रेमाशिवाय व्यर्थ !
डुलुनि खुणाविते ती कलिका कुणास सांगा
भ्रमरांचिया थव्यांनी फुलतात रम्य बागा
स्वातिजलाविना रे शिंपा जसा निरर्थ
आयुष्यही तसे हे प्रेमाशिवाय व्यर्थ !
आयुष्यही तसे ग प्रेमाशिवाय व्यर्थ !
झेपावतात लाटा चंद्रास भेटण्यासी
विजनी वसंत येता आह्लाद कोकिळेसी
मधुमालती जशी ग गंधाविना निरर्थ
आयुष्यही तसे ग प्रेमाशिवाय व्यर्थ !
डुलुनि खुणाविते ती कलिका कुणास सांगा
भ्रमरांचिया थव्यांनी फुलतात रम्य बागा
स्वातिजलाविना रे शिंपा जसा निरर्थ
आयुष्यही तसे हे प्रेमाशिवाय व्यर्थ !
| गीत | - | यशवंत देव |
| संगीत | - | यशवंत देव |
| स्वर | - | पुष्पा मराठे , सुधीर फडके |
| चित्रपट | - | चोरावर मोर |
| गीत प्रकार | - | चित्रगीत , युगुलगीत |
दाद द्या अन् शुद्ध व्हा !
पुष्पा मराठे, सुधीर फडके