A Non-Profit Non-Commercial Public Service Initiative by Alka Vibhas   
छेडून गेले मधुर स्वर

छेडून गेले मधुर स्वरविमल
आज उपवनीं कोण पाहिले
प्राणांचे ऋतुगंध उमलुनी
जीवन संगीत त्यास वाहिले

मदीर रात्र ही अधीर चंद्रिका
गात्रांमधुनी हसे राधिका
डोळे टिपले पानांचेही
पहाट होता गहिवर ओले

कंठामधुनी सूर जुळावा
सुरांत तुझिया जीव मिळावा
मीलन होता मधुभावाचे
या जन्माचे सार्थक व्हावे
उपवन - बाग, उद्यान.
चंद्रिका - चांदणे.
मदिर - धुंद करणारा.
विमल - स्वच्छ / निर्मल / पवित्र / पांढरा / सुंदर.

 

Print option will come back soon