A Non-Profit Non-Commercial Public Service Initiative by Alka Vibhas   
चिन्मया सकल हृदया

चिन्मया सकल हृदया, सदया दे या गोविंदा
वर वरदा, कलिमलविलया ॥

विषय पिपासापीडितसा, नि:सारा, संसारा
मृगनीरासम भुललों मी परि फसलों
विस्मरलों तव भजनीं लागाया ॥

कामधनाशा ही विवशा, मन्‍नाशा
सरसावे, तत्पाशीं सांपडलों, यें धांवोनी
यांतुनी सोडवुनी मज घ्याया ॥

सौख्य सदा नव ज्या ठायीं, तापाचा,
पापाचा लेश नसे, शांति वसे, ने येवोनी
त्या स्थानी, सुखभुवनीं दासा या ॥
गीत- गो. ब. देवल
संगीत - गो. ब. देवल कौशल इनामदार
स्वर - आनंद भाटे
नाटक- संगीत संशयकल्लोळ
गीत प्रकार - नाट्यगीत
  
टीप -
• नाटकातील पदाचे संगीत- गो. ब. देवल (ध्वनीफित अनुपलब्ध.)
• स्वर- आनंद भाटे, संगीत- कौशल इनामदार, चित्रपट- बालगंधर्व (२०११).
चिन्मय - चैतन्यमूर्ती / शुध्द ज्ञानाने, बुद्धीने (ईश्वर, ब्रह्म) युक्त.
ठाय - स्थान, ठिकाण.
नि:सार - सत्त्वहीन.
पिपासा - तहान.