ध्वज अशरण हा
ध्वज अशरण हा
ध्वज अमरण हा
ध्वज अविरत हा फडकेल !
वीरांच्या रुधिरांत भिजे हा
संतांच्या श्रद्धेंत रुजे हा
त्रिवर्ण हा निर्भय नीलांतुन
जीवन नव बरसेल !
ध्वज अविरत हा फडकेल !
दुर्बल-दलितांचें हा रक्षण
मिरविल समतेचें राणेंपण
अमानवांचें अंध महाबल
यावरती तडकेल
ध्वज अविरत हा फडकेल !
नक्षत्रांच्या दिव्य पथांतुन
इंद्रधनुष्यांच्या वेशीतुन
निळे चक्र हे जाईल, तेथे
जगत नवे उमलेल
ध्वज अविरत हा फडकेल !
ध्वज अमरण हा
ध्वज अविरत हा फडकेल !
वीरांच्या रुधिरांत भिजे हा
संतांच्या श्रद्धेंत रुजे हा
त्रिवर्ण हा निर्भय नीलांतुन
जीवन नव बरसेल !
ध्वज अविरत हा फडकेल !
दुर्बल-दलितांचें हा रक्षण
मिरविल समतेचें राणेंपण
अमानवांचें अंध महाबल
यावरती तडकेल
ध्वज अविरत हा फडकेल !
नक्षत्रांच्या दिव्य पथांतुन
इंद्रधनुष्यांच्या वेशीतुन
निळे चक्र हे जाईल, तेथे
जगत नवे उमलेल
ध्वज अविरत हा फडकेल !
| गीत | - | कुसुमाग्रज |
| संगीत | - | यशवंत देव |
| स्वर | - | गोविंद पोवळे, सीमा चंद्रगुप्त |
| गीत प्रकार | - | स्फूर्ती गीत |
टीप - • काव्य रचना- १९४७. |
| रुधिर | - | रक्त. |
| राणेपण | - | राजपद. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !