गुणि बाळ असा जागसि कां
गुणि बाळ असा, जागसि कां रे वायां
नीज रे नीज शिवराया
अपरात्रींचा प्रहर लोटला बाई
तरि डोळा लागत नाहीं
हा चालतसे चाळा एकच असला
तिळ उसंत नाहिं जिवाला
निजवायाचा हरला सर्व उपाय
जागाच तरी शिवराय
चालेल जागता चटका
हा असाच घटका घटका
कुरवाळा किंवा हटका
कां कष्टविशी तुझी सांवळी काया?
नीज रे नीज शिवराया
ही शांत निजे बारा मावळ थेट
शिवनेरी जुन्नरपेठ
त्या निजल्या ना, तशाच घांटाखालीं
कोंकणच्या चवदा ताली
ये भिववाया, बागुल तो बघ बाळा
किति बाई काळाकाळा
इकडे हे सिद्दी-जमान
तो तिकडे अफजुलखान
पलीकडे मुलुखमैदान
हे आले रे, तुजला बाळ, धराया
नीज रे नीज शिवराया
नीज रे नीज शिवराया
अपरात्रींचा प्रहर लोटला बाई
तरि डोळा लागत नाहीं
हा चालतसे चाळा एकच असला
तिळ उसंत नाहिं जिवाला
निजवायाचा हरला सर्व उपाय
जागाच तरी शिवराय
चालेल जागता चटका
हा असाच घटका घटका
कुरवाळा किंवा हटका
कां कष्टविशी तुझी सांवळी काया?
नीज रे नीज शिवराया
ही शांत निजे बारा मावळ थेट
शिवनेरी जुन्नरपेठ
त्या निजल्या ना, तशाच घांटाखालीं
कोंकणच्या चवदा ताली
ये भिववाया, बागुल तो बघ बाळा
किति बाई काळाकाळा
इकडे हे सिद्दी-जमान
तो तिकडे अफजुलखान
पलीकडे मुलुखमैदान
हे आले रे, तुजला बाळ, धराया
नीज रे नीज शिवराया
| गीत | - | गोविंदाग्रज |
| संगीत | - | पं. हृदयनाथ मंगेशकर |
| स्वराविष्कार | - | ∙ लता मंगेशकर ∙ इंदुमती चौबळ ( गायकांची नावे कुठल्याही विशिष्ट क्रमाने दिलेली नाहीत. ) |
| गीत प्रकार | - | स्फूर्ती गीत, प्रभो शिवाजीराजा |
टीप - • स्वर- लता मंगेशकर, संगीत- पं. हृदयनाथ मंगेशकर. • स्वर- इंदुमती चौबळ, संगीत- ???. |
| चटका | - | चाळा. |
| जमान | - | विजापूरचा (आदिशाही) सरदार रूस्तम जमान ख़ान. |
| ताली | - | परगणे. (परगणा- देशाचा एक मोठा भाग.) (शिवशाहीर श्री. बाबासाहेब पुरंदरे यांचे या माहितीसाठी आभार.) |
| मुलुखमैदान | - | विजापूरची सुप्रसिद्ध प्रचंड तोफ. |
| सिद्दी | - | मुरुड-जंजिरा येथील हबशी सिद्दी जौहर. |
दाद द्या अन् शुद्ध व्हा !
लता मंगेशकर