हे बंध रेशमाचे
| पथ जात धर्म किंवा | नातेही ज्या न ठावे |
| ते जाणतात एक | प्रेमास प्रेम द्यावे |
| हृदयात जागणार्या | अतिगूढ संभ्रमाचे |
| तुटतील ना कधीही | हे बंध रेशमाचे ! |
| विसरून जाय जेव्हा | माणूस माणसाला |
| जाळीत ये जगाला | विक्राळ एक ज्वाला |
| पुसतात डाग तेही | धर्मांध आक्रमाचे |
| तुटतील ना कधीही | हे बंध रेशमाचे ! |
| हे बंध रेशमाचे | ठेवी जपून जीवा |
| धागा अतूट हाच | प्राणात गुंतवावा |
| बळ हेच दुर्बळांना | देती पराक्रमाचे |
| तुटतील ना कधीही | हे बंध रेशमाचे ! |
| गीत | - | शान्ता शेळके |
| संगीत | - | पं. जितेंद्र अभिषेकी |
| स्वर | - | पं. जितेंद्र अभिषेकी |
| नाटक | - | हे बंध रेशमाचे |
| गीत प्रकार | - | नाट्यगीत |
दाद द्या अन् शुद्ध व्हा !
पं. जितेंद्र अभिषेकी