पिसे

-

वेड.

१९४१ पासून १९४६ पर्यंत 'नाट्य-निकेतन'ने रंगभूमीवर आणलेल्या सात-आठ नाटकांनी प्रेक्षकांचा एक चाहता वर्ग निश्चितच निर्माण केला होता. त्या नाटकांच्या वाङ्मयीन मूल्याबद्दल मतभेद असले, तरी त्यांच्या प्रायोगिक मूल्यांबद्दल सर्वसाधारणपणे प्रेक्षकांत प्रशंसोद्वारच निघत असत.

याच वर्षी 'आशीर्वाद' मध्ये काम करणार्‍या उषा मराठे (उषा किरण) या मुलीचे वडील फिल्म कंपनी काढण्याच्या विचाराने माझ्याकडे आले. त्यांचा उद्देश मुख्यतः त्यांच्या दोघी मुलींना पुढे आणणे हा होता. परंतु ते करणे त्यांना एकट्यांना शक्य नसल्यामुळे 'नाट्य-निकेतन' मधल्या नटांना घेऊनच एक चित्रपट काढावा व त्यात त्यांच्या दोघी मुलींना (उषा मराठे, लीला मराठे) भूमिका मिळाव्यात, अशी त्यांनी इच्छा व्यक्त केली. त्याप्रमाणे ४-६ महिने कष्ट करून आम्ही १९४६ साली 'कुबेर' नावाचा मराठी चित्रपट प्रभात स्टुडिओत तयार केला. पुण्यात तो सतत १३ आठवडे चालला आणि १४ व्या आठवड्याला महात्मा गांधींच्या हत्येमुळे जो दंगा झाला त्यावेळी थिएटरांतून काढून घ्यावा लागला.
(संपादित)

मो. ग. रांगणेकर
'असा धरि छंद' या मो. ग. रांगणेकर यांच्या पुस्तकातून. लेखन सहकार्य जयवंत दळवी.
सौजन्य- सन पब्लिकेशन्स्‌, पुणे

* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.

  इतर संदर्भ लेख