जा उडुनी जा पाखरा
जा उडुनी जा पाखरा
नयनमनोहर पाहुनि परिसर भुलू नको रे जरा
चंचल खग हे पंख पसरुनी आक्रमिती अंबरा
स्वातंत्र्याची मंगल गीते गात चालले घरा
तूही उडूनी जा पाखरा
दिशा दिशा या गुलाल उधळित करिती सण साजरा
रविकिरणांनी आज उजळला गगनाचा उंबरा
जा जा सोडुनी ह्या तरुवरा
नयनमनोहर पाहुनि परिसर भुलू नको रे जरा
चंचल खग हे पंख पसरुनी आक्रमिती अंबरा
स्वातंत्र्याची मंगल गीते गात चालले घरा
तूही उडूनी जा पाखरा
दिशा दिशा या गुलाल उधळित करिती सण साजरा
रविकिरणांनी आज उजळला गगनाचा उंबरा
जा जा सोडुनी ह्या तरुवरा
| गीत | - | पुरुषोत्तम दारव्हेकर |
| संगीत | - | पं. जितेंद्र अभिषेकी |
| स्वर | - | अरविंद पिळगांवकर |
| नाटक | - | नयन तुझे जादुगार |
| गीत प्रकार | - | नाट्यसंगीत, नयनांच्या कोंदणी |
| खग | - | पक्षी. |
| तरुवर | - | तरू / झाड. |
ही एक सुंदर, सुशिक्षित चेटकिणीची प्रेमकथा !
मराठी रंगभूमीवर अद्यापी न रुजलेल्या विषयांपैकी हा एक.
त्या दृष्टीने हे धाडसच !
एका पाश्चात्य नाट्यकृतीचा या मराठी कृतीला काही प्रमाणात आधार लाभला आहे.
(संपादित)
पुरुषोत्तम दारव्हेकर
'नयन तुझे जादुगार' या नाटकाच्या प्रस्तावनेतून.
सौजन्य- पॉप्युलर, मुंबई.
* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.
इतर संदर्भ लेख
दाद द्या अन् शुद्ध व्हा !