जयतु शौर्यशालिनी
जयतु शौर्यशालिनी
जयतु पुण्यदायिनी
जयतु जयतु जयतु जगति भरतभूमि मानिनी
सात गगनमंडळात नौबती निनादतात
समरसज्ज व्हा क्षणांत दशदिशा बजावतात
जय स्वतंत्र लोकतंत्र वीरमंत्र गात गात
लाख वादळांसमान उतरती दळे रणांत
साभिमान तळपुनी सांगतात संगिनी
जयतु जयतु जयतु जगति भरतभूमि मानिनी
रक्त जोवरी नसांत प्राण जोवरी उरात
भावशक्ति माणसात प्राणदेह पंजरात
मायभूमी रक्षणार्थ झुंज धुंद संगरात
या आशा उफाळतात लाख उर्मी अंतरात
धडकली पुरी बिनी भडकल्या कडाबीनी
जयतु जयतु जयतु जगति भरतभूमि मानिनी
जयतु जयतु जयतु जगति भरतभूमि मानिनी
सात गगनमंडळात नौबती निनादतात
समरसज्ज व्हा क्षणांत दशदिशा बजावतात
जय स्वतंत्र लोकतंत्र वीरमंत्र गात गात
लाख वादळांसमान उतरती दळे रणांत
साभिमान तळपुनी सांगतात संगिनी
जयतु जयतु जयतु जगति भरतभूमि मानिनी
रक्त जोवरी नसांत प्राण जोवरी उरात
भावशक्ति माणसात प्राणदेह पंजरात
मायभूमी रक्षणार्थ झुंज धुंद संगरात
या आशा उफाळतात लाख उर्मी अंतरात
धडकली पुरी बिनी भडकल्या कडाबीनी
जयतु जयतु जयतु जगति भरतभूमि मानिनी
| गीत | - | वसंत बापट |
| संगीत | - | यशवंत देव |
| स्वर | - | आकाशवाणी गायकवृंद |
| गीत प्रकार | - | स्फूर्ती गीत |
| कडाबीन | - | रुंद तोंडाची आखूड बंदूक. |
| नौबत | - | मोठा नगारा. |
| पंजर | - | पिंजरा. |
| बिनी | - | सैन्याची आघाडी. |
| संगर | - | युद्ध. |
| संगीन | - | व्यवस्थित / मजबूत, पक्का / बंदुकीच्या अग्रभागी लावण्याचे सुर्यासारखे शस्त्र. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !