कशी काळनागिणी
कशी काळनागिणी, सखे ग, वैरिण झाली नदी !
प्राणविसावा पैलतिरावरि, अफाट वाहे मधी.
सुखी मीन हे तरति न गणुनी लाटा कोट्यावधी.
सुखी पाखरें गात चाललीं पार वादळीं सुधी.
पैलतटिं न कां तृण मी झालें? तुडविता तरी पदीं !
पैलतटिं न कां कदंब फुललें? करिता माळा कधी.
पापिण खिळले तिरा, विरह हा शस्त्रावीणें वधी.
प्राणाचें घे मोल नाविका, लावि पार, ने अधी !
प्राणविसावा पैलतिरावरि, अफाट वाहे मधी.
सुखी मीन हे तरति न गणुनी लाटा कोट्यावधी.
सुखी पाखरें गात चाललीं पार वादळीं सुधी.
पैलतटिं न कां तृण मी झालें? तुडविता तरी पदीं !
पैलतटिं न कां कदंब फुललें? करिता माळा कधी.
पापिण खिळले तिरा, विरह हा शस्त्रावीणें वधी.
प्राणाचें घे मोल नाविका, लावि पार, ने अधी !
| गीत | - | भा. रा. तांबे |
| संगीत | - | पं. हृदयनाथ मंगेशकर |
| स्वर | - | लता मंगेशकर |
| गीत प्रकार | - | भावगीत |
टीप - • काव्य रचना- डिसेंबर १९२१. |
| कदंब (कळंब) | - | वृक्षाचे नाव. |
| तृण | - | गवत. |
| मीन | - | मासा. |
| सुधी | - | बुद्धीमान. |
Print option will come back soon
दाद द्या अन् शुद्ध व्हा !
लता मंगेशकर