A Non-Profit Non-Commercial Public Service Initiative by Alka Vibhas   
कशि केलीस माझी दैना

कशि केलीस माझी दैना । रे मला तुझ्या बिगर करमेना!
घडिभरी माझिया मना, चैन पडेना, झोप येईना,
रे मला तुझ्या बिगर करमेना!

तू राघु तुझी मी मैना । माझं रूप बिलोरी ऐना ।
अंगी इष्काचा आजार, करी बेजार, कमति होई ना,
चैन पडेना, रे मला तुझ्या बिगर करमेना!

तू हकीम हो‍उनि यावे । एकांती औषध द्यावे ।
दे चुंबन साखरपाक, मिठीचा लेप, मजसि साजणा,
मनमोहना, रे मला तुझ्या बिगर करमेना!