A Non-Profit Non-Commercial Public Service Initiative by Alka Vibhas   
कृष्ण माझी माता

कृष्ण माझी माता, कृष्ण माझा पिता ।
बहीण, बंधू, चुलता, कृष्ण माझा ॥१॥

कृष्ण माझा गुरू, कृष्ण माझे तारूं ।
उतरी पैलपारू भवनदीचे ॥२॥

कृष्ण माझें मन, कृष्ण माझें जन ।
सोईरा सज्जन कृष्ण माझा ॥३॥

तुका ह्मणे माझा कृष्ण हा विसावा ।
वाटो ना करावा परता जीवा ॥४॥
रचना-संत तुकाराम
संगीत - वसंत देसाई
स्वराविष्कार - पं. उदयराज गोडबोले
मा. कृष्णराव
( गायकांची नावे कुठल्याही विशिष्ट क्रमाने दिलेली नाहीत. )
नाटक- प्रीतिसंगम
राग- बागेश्री
गीत प्रकार - हे श्यामसुंदर नाट्यगीत संतवाणी
  
टीप -
• स्वर- उदयराज गोडबोले, संगीत- वसंत देसाई, नाटक- प्रीतिसंगम.
• स्वर- मा. कृष्णराव, संगीत- मा. कृष्णराव.

 

  पं. उदयराज गोडबोले
  मा. कृष्णराव