माझिया प्रियाला प्रीत (१)
माझिया प्रियाला प्रीत कळेना
अनुराग त्याचा माझा, हाय रे जुळेना
पावसात भिजतो श्रावण, सुखाचा महिना
आवरू मनाला कैसे मला ते जमेना
मुकी नेत्रभाषा त्याला कळुनी वळेना
यौवनात सुकते काया दुःख आवरेना
वेदना उरीची छेडी मुक्या भावनांना
स्पर्श गोड अजुनी त्याचा सुखाचा मिळेना
वसंतात नाही बोले, श्रावणात नाही
कठोरास माझ्या मनीचे कळेनाच काही
रात रात शिणती डोळे, पापणी ढळेना
अनुराग त्याचा माझा, हाय रे जुळेना
पावसात भिजतो श्रावण, सुखाचा महिना
आवरू मनाला कैसे मला ते जमेना
मुकी नेत्रभाषा त्याला कळुनी वळेना
यौवनात सुकते काया दुःख आवरेना
वेदना उरीची छेडी मुक्या भावनांना
स्पर्श गोड अजुनी त्याचा सुखाचा मिळेना
वसंतात नाही बोले, श्रावणात नाही
कठोरास माझ्या मनीचे कळेनाच काही
रात रात शिणती डोळे, पापणी ढळेना
| गीत | - | उमाकांत काणेकर |
| संगीत | - | श्रीकांत ठाकरे |
| स्वर | - | शोभा गुर्टू |
| राग | - | मिश्र हेमंत, पहाडी |
| गीत प्रकार | - | भावगीत |
| अनुराग | - | प्रेम, निष्ठा. |
शोभा गुर्टू यांची नवीन काही गाणी करायचं ठरवलं. समुद्रावर मी नि काणेकर दोघं गेलो. तेवढ्यात एक सणक आली. मी केलेली एका ठुमरीची याद आली. 'बलमा बेदर्दी, दर्दों न जाने'. काणेकरांना मुखडा मिळाला. त्यांना लगेच तो सुचला. म्हणाले, हे बसतंय का बघा. 'माझिया प्रियाला प्रीत कळेना !’. झकास बसतेय. लगेच घरी आलो. बाजा काढून बसलो. जशी मी गाण्याची तर्ज सांगत गेलो, तसे ते लिहीत गेले. गाणं तयार. फक्त चारच वाद्यं घेतली. तबल्याला अण्णा जोशी, ऑर्गनवर पेडणेकर, हार्फवर रिजराम, जागा भरायला.
(संपादित)
(संपादित)
श्रीकांत ठाकरे
'जसं घडलं तसं' या श्रीकांत ठाकरे लिखित पुस्तकातून.
सौजन्य- चिनार पब्लिशर्स, पुणे.
* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.
इतर संदर्भ लेखPlease consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !