माझ्या मराठीची गोडी
माझ्या मराठीची गोडी
मला वाटते अवीट
माझ्या मराठीचा छंद
मना नित्य मोहवीत !
ज्ञानोबांची तुकयांची
मुक्तेशांची जनाईची
माझी मराठी चोखडी
रामदास-शिवाजीची
'या रे, या रे अवघे जण'
हाक मायमराठीची
बंध खळाळा गळाले
साक्ष भीमेच्या पाण्याची !
डफ-तुणतुणे घेऊन
उभी शाहीर मंडळी
मुजर्याची मानकरी
वीरांची ही मायबोली
नांगराचा चाले फाळ
अभंगाच्या तालावर
कोवळीक विसावली
पहाटेच्या जात्यावर !
मला वाटते अवीट
माझ्या मराठीचा छंद
मना नित्य मोहवीत !
ज्ञानोबांची तुकयांची
मुक्तेशांची जनाईची
माझी मराठी चोखडी
रामदास-शिवाजीची
'या रे, या रे अवघे जण'
हाक मायमराठीची
बंध खळाळा गळाले
साक्ष भीमेच्या पाण्याची !
डफ-तुणतुणे घेऊन
उभी शाहीर मंडळी
मुजर्याची मानकरी
वीरांची ही मायबोली
नांगराचा चाले फाळ
अभंगाच्या तालावर
कोवळीक विसावली
पहाटेच्या जात्यावर !
| गीत | - | वि. म. कुलकर्णी |
| संगीत | - | कमलाकर भागवत |
| स्वर | - | कमलाकर भागवत |
| गीत प्रकार | - | स्फूर्ती गीत |
| चोखडी (चोख) | - | शुद्ध / उत्कृष्ट / प्रामाणिक. |
| फाळ | - | नांगरास लावायचे लोखंडी पाते. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !