A Non-Profit Non-Commercial Public Service Initiative by Alka Vibhas   
माळ्याच्या मळ्यामंदी

माळ्याच्या मळ्यामंदी पाटाचं पानी जातं
गुलाब, जाई, जुई, मोगरा फुलवीतं

दादाच्या मळ्यामंदी मोटंचं मोटं पानी
पाजिते रान सारं मायेची वयनी
हसत डुलत मोत्याचं पीक येतं

लाडकी ल्येक राजाचा ल्योक
लगीन माझ्या चिमनीचं

सावळा बंधुराया, साजिरी वयनीबाई
गोजिरी शिर्पा-हंसा म्हायेरी माज्या हाय
वाटंनं म्हयेराच्या धावत मन जातं

गडनी, सजनी, गडनी सजनी गडनी ग

राबतो भाऊराया मातीचं झालं सोनं
नजर काढू कशी जिवाचं लिंबलोनं
मायेला पूर येतो, पारुचं मन जातं
गीत- योगेश
संगीत - आनंदघन
स्वर - लता मंगेशकर
चित्रपट- साधी माणसं
गीत प्रकार - चित्रगीत
तरुवर - तरू / झाड.