पाऊस असा रुणझुणता
पाऊस असा रुणझुणता
पैंजणे सखीची स्मरली
पाऊल भिजत जाताना
चाहूल विरत गेलेली
ओलेत्याने दरवळले
अस्वस्थ फुलांचे घोस
ओलांडून आला गंध
नि:स्तब्ध मनाची वेस
पाऊस सोहळा झाला
कोसळत्या आठवणींचा
कधी उधाणता अन् केव्हा
थेंबांच्या संथ लयीचा !
नभ 'नको नको' म्हणताना
पाऊस कशाने आला?
गात्रांतुन स्वच्छंदी अन्
अंतरात घुसमटलेला
पैंजणे सखीची स्मरली
पाऊल भिजत जाताना
चाहूल विरत गेलेली
ओलेत्याने दरवळले
अस्वस्थ फुलांचे घोस
ओलांडून आला गंध
नि:स्तब्ध मनाची वेस
पाऊस सोहळा झाला
कोसळत्या आठवणींचा
कधी उधाणता अन् केव्हा
थेंबांच्या संथ लयीचा !
नभ 'नको नको' म्हणताना
पाऊस कशाने आला?
गात्रांतुन स्वच्छंदी अन्
अंतरात घुसमटलेला
| गीत | - | संदीप खरे |
| संगीत | - | सलील कुलकर्णी |
| स्वर | - | सलील कुलकर्णी |
| अल्बम | - | सांग सख्या रे |
| गीत प्रकार | - | कविता, ऋतू बरवा |
| गात्र | - | शरीराचा अवयव. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !