पवित्र तो देह
पवित्र तो देह वाणी पुण्यवंत । जो वदे अच्युत सर्व काळ ॥१॥
तयाच्या चिंतनें तरतील दोषी । जळतील रासी पातकांच्या ॥२॥
देव इच्छी रज चरणींची माती । धांवत चालती मागें मागें ॥३॥
काय उरलें त्यां वेगळें आणिक । वैकुंठनायक जयां कंठीं ॥४॥
तुका ह्मणे देव-भक्तांचा संगम । तेथें ओघ नाम त्रिवेणीचा ॥५॥
तयाच्या चिंतनें तरतील दोषी । जळतील रासी पातकांच्या ॥२॥
देव इच्छी रज चरणींची माती । धांवत चालती मागें मागें ॥३॥
काय उरलें त्यां वेगळें आणिक । वैकुंठनायक जयां कंठीं ॥४॥
तुका ह्मणे देव-भक्तांचा संगम । तेथें ओघ नाम त्रिवेणीचा ॥५॥
| गीत | - | संत तुकाराम |
| संगीत | - | |
| स्वर | - | बबनराव नावडीकर |
| गीत प्रकार | - | संतवाणी |
| रज | - | धूळ. |
भावार्थ-
- जो नेहमी अच्युताचे नाव घेतो त्याचा देह पवित्र व वाणी पुण्यवान समजावी
- त्याच्या चिंतनाने दोषी लोकांचा उद्धार होईल. त्यांच्या पापांचे ढीग जळून जातील.
- अशा भक्तांच्या पायावरील धुलिकणासाठी देव इच्छा करून त्यांच्या मागे धावतात.
- ज्यांच्या कंठात वैकुंठनायक आहे त्याचे देवाशिवाय निराळे काय उरले आहे !
- तुकाराम महाराज म्हणतात, देव-भक्त आणि नामस्मरण यांचा संगम गंगा-यमुना व सरस्वती यांच्या त्रिवेणी संगमाप्रमाणे पवित्र आहे.
गो. वि. नामजोशी
संत तुकारामाची सार्थ अभंगवाणी
सौजन्य- सुलभ प्रकाशन, मुंबई.
* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.
इतर भावार्थPlease consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !