अवगुण सोडून देण्याबद्दल उपदेश येथे ज्ञानेश्वरांनी केला आहे. पण हा उपदेशही ज्ञानेश्वरांनी किती काव्यात्‍मक केला आहे पहा. ज्या भ्रमराला उपदेशून ते बोलताहेत, तो भ्रमर कसा? तर त्याच्या विहरण्यालाही एक नाद आहे. हा नादही अतिशय नाजूक असा आहे. अर्थात या नादामधून त्याचे स्वच्छंद विहरणे साकारून जाते.

परमेश्वराच्या चरणकमळाचा भोग निश्चिंतपणे घे. त्याच्या गंधामध्ये तू दंग होऊन जा. या गंधाचा तू जाणकार आहेस. असे भाग्य लाभलेल्या सुंदर भ्रमरा, विठ्ठल हाच या जगाचा एकमेव त्राता आहे हे लक्षात घे आणि त्याच्या चरणकमळावर लीन हो.

मानवी मनाला भ्रमर कल्पिणे यातच ज्ञानेश्वर प्रतिभेचे वेगळेपण सामावले आहे.

डॉ. नागनाथ कोत्तापल्ले, डॉ. द. ता. भोसले
'ज्ञानेश्वरांचे निवडक शंभर अभंग' या डॉ. नागनाथ कोत्तापल्ले आणि डॉ. द. ता. भोसले लिखित पुस्तकातून.
सौजन्य- प्रतिमा प्रकाशन, पुणे.

* ही लेखकांची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.

  इतर भावार्थ

हे जीव-भ्रमरा, तू रस सेविण्यासाठी दुनियाभर भ्रमण करीत असतोस. रस-वृत्ति हा काही अवगुण म्हणता येणार नाही. पण बहिर्मुखता आणि चंचलता हे तुझे मोठे अवगुण म्हटले पाहिजेत. तू जर अंतर्मुख वृत्तीने पाहशील तर सौंदर्याची जणू खाण, ज्यातील सुगंधाच्या अंशमात्राने दुनिया भरून राहिली आहे, त्या हरि-चरण-कमळाचे तुला दर्शन होईल. मग निश्वळपणे तेथील रस भोगीत रहा, असे सांगण्याची गरजच राहणार नाही.

आचार्य विनोबा भावे
'ज्ञानेश्वरांची भजनें' या आचार्य विनोबा भावे लिखित पुस्तकातून.
सौजन्य- परंधाम प्रकाशन, वर्धा.

* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.

  इतर भावार्थ

Please consider the environment before printing.
कागद वाचवा.
कृपया पर्यावरणाचा विचार करा.