साउलीस का कळे
साउलीस का कळे उन्हामधील यातना?
जाणवेल मीलनी कोण विरह वेदना?
असती माहिती कशी नदीस घोर वादळे?
आसवात जग बुडे; मृगजळास का कळे?
जी व्यथा नभातली, ती कथाच अंगणा !
फूलपंखी का कधी गरुडझेप घेतसे?
काजळी तमास का रंग कोण देतसे?
हृदयशून्य करील कोण मंदिरात प्रार्थना !
रजनीच्या घरी कधी होई सूर्य पाहुणा?
दिसती ना कधी कुणा अंतरातल्या खुणा
सांगते अबोली का कुणास मुग्ध भावना?
जाणवेल मीलनी कोण विरह वेदना?
असती माहिती कशी नदीस घोर वादळे?
आसवात जग बुडे; मृगजळास का कळे?
जी व्यथा नभातली, ती कथाच अंगणा !
फूलपंखी का कधी गरुडझेप घेतसे?
काजळी तमास का रंग कोण देतसे?
हृदयशून्य करील कोण मंदिरात प्रार्थना !
रजनीच्या घरी कधी होई सूर्य पाहुणा?
दिसती ना कधी कुणा अंतरातल्या खुणा
सांगते अबोली का कुणास मुग्ध भावना?
| गीत | - | गंगाधर महाम्बरे |
| संगीत | - | श्रीनिवास खळे |
| स्वर | - | लता मंगेशकर |
| चित्रपट | - | सोबती |
| गीत प्रकार | - | चित्रगीत |
| मृगजळ | - | आभास. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !