A Non-Profit Non-Commercial Public Service Initiative by Alka Vibhas   
साउलीस का कळे

साउलीस का कळे उन्हामधील यातना?
जाणवेल मीलनी कोण विरह वेदना?

असती माहिती कशी नदीस घोर वादळे?
आसवात जग बुडे; मृगजळास का कळे?
जी व्यथा नभातली, ती कथाच अंगणा !

फूलपंखी का कधी गरुडझेप घेतसे?
काजळी तमास का रंग कोण देतसे?
हृदयशून्य करील कोण मंदिरात प्रार्थना !

रजनीच्या घरी कधी होई सूर्य पाहुणा?
दिसती ना कधी कुणा अंतरातल्या खुणा
सांगते अबोली का कुणास मुग्ध भावना?
गीत - गंगाधर महाम्‍बरे
संगीत - श्रीनिवास खळे
स्वर- लता मंगेशकर
चित्रपट - सोबती
गीत प्रकार - चित्रगीत
मृगजळ - आभास.