A Non-Profit Non-Commercial Public Service Initiative by Alka Vibhas   
सोनियाचा दिवस आजि

सोनियाचा दिवस आजि अमृतें पाहिला ।
नाम आठवितां रूपीं प्रकट पैं झाला ॥१॥

गोपाळा रे तुझें ध्यान लागो मना ।
अणु न विसंबें हरी जगत्रयजीवना ॥२॥

तनु मनु शरण तुझ्या विनटलों पायीं ।
बाप रखुमादेवीवराविना आनु नेणें कांहीं ॥३॥
पैं - निश्चय्यार्थक.
विनटणे - तल्लीन होणे.
मूळ रचना

गोपाळा रे तूझें ध्यान लागो मना ।
आनु न विसंबें हरी जगत्र-जीवना ॥१॥

सोनियाचा दिवस आजि अमृतें पाहला ।
नाम आठवितां रूपीं प्रगट पैं झाला ॥२॥

तनु मनु शरण विनटलों तूझा पाईं ।
रखुमादेवी-वरावांचुनी आनु नेणें कांहीं ॥३॥

  संपूर्ण कविता / मूळ रचना

Please consider the environment before printing.
कागद वाचवा.
कृपया पर्यावरणाचा विचार करा.