तुझा गे नितनूतन सहवास
तुझा गे नितनूतन सहवास !
तुझेच चिंतन करितो अनुदिन
एक तुझा मज ध्यास !
या प्राणांच्या क्षितिजावरती
भाग्यवती तू उषा उमलती
मम हृदयीच्या विरहतमाचा
करसी सहज निरास !
किती करावी प्रिये प्रतीक्षा?
प्रणायांधाला का ही शिक्षा?
दिशांदिशातुन अवकाशातुन
तुझे मधुर आभास !
तुझेच चिंतन करितो अनुदिन
एक तुझा मज ध्यास !
या प्राणांच्या क्षितिजावरती
भाग्यवती तू उषा उमलती
मम हृदयीच्या विरहतमाचा
करसी सहज निरास !
किती करावी प्रिये प्रतीक्षा?
प्रणायांधाला का ही शिक्षा?
दिशांदिशातुन अवकाशातुन
तुझे मधुर आभास !
| गीत | - | शान्ता शेळके |
| संगीत | - | पं. जितेंद्र अभिषेकी |
| स्वर | - | अरविंद पिळगांवकर |
| नाटक | - | वासवदत्ता |
| गीत प्रकार | - | नाट्यगीत |
| अनुदिन | - | दररोज. |
| उषा | - | पहाट. |
| तम | - | अंधकार. |
| निरास | - | दूर करणे. |
Print option will come back soon
दाद द्या अन् शुद्ध व्हा !
अरविंद पिळगांवकर