उघड्या पुन्हा जहाल्या
उघड्या पुन्हा जहाल्या जखमा उरातल्या
फुलवी तुझ्या स्मृतींच्या कलिका मनातल्या
येऊ कशी निघोनी पाऊल अडखळे
विरहात वेचिताना घटना सुखातल्या
उठता तरंग देही हळुवार भावनांचे
स्मरतात त्या अजूनी भेटी वनातल्या
हासोनिया खुणावी ती रात रंगलेली
तू मोजिल्यास होत्या तारा नभातल्या
फुलवी तुझ्या स्मृतींच्या कलिका मनातल्या
येऊ कशी निघोनी पाऊल अडखळे
विरहात वेचिताना घटना सुखातल्या
उठता तरंग देही हळुवार भावनांचे
स्मरतात त्या अजूनी भेटी वनातल्या
हासोनिया खुणावी ती रात रंगलेली
तू मोजिल्यास होत्या तारा नभातल्या
| गीत | - | उमाकांत काणेकर |
| संगीत | - | श्रीकांत ठाकरे |
| स्वर | - | शोभा गुर्टू |
| राग | - | मिश्र भैरवी |
| गीत प्रकार | - | भावगीत |
दाद द्या अन् शुद्ध व्हा !
शोभा गुर्टू