A Non-Profit Non-Commercial Public Service Initiative by Alka Vibhas   
वैष्णवां घरीं सर्वकाळ

वैष्णवां घरीं सर्वकाळ ।
सदा झणझणिती टाळ ॥१॥

कण्या भाकरीचें खाणें ।
गांठीं रामनाम नाणें ॥२॥

बैसावयासी कांबळा ।
द्वारीं तुळसी रंगमाळा ॥३॥

घरीं दुभे कामधेनु ।
तुपावरी तुळसी पानु ॥४॥

फराळासी पीठ लाह्या ।
घडीघडी पडती पायां ॥५॥

नामा ह्मणे नेणती कांहीं ।
चित्त अखंड विठ्ठलपायीं ॥६॥
कामधेनु - इच्छित वस्तू देणारी गाय.
नेणता - अजाण.
वैष्णव - विष्णुभक्त.