A Non-Profit Non-Commercial Public Service Initiative by Alka Vibhas   
आनंदवनभुवनी

स्वर्गीची लोटली जेथे
रामगंगा महानदी
तीर्थासी तुळणा नाही, आनंदवनभुवनी

त्रैलोक्य चालिल्या फौजा
सौख्य बंधविमोचने
मोहिम मांडिली मोठी, आनंदवनभुवनी

येथून वाढला धर्मु
रमाधर्म समागमें
संतोष मांडला मोठा, आनंदवनभुवनी

भक्तांसी रक्षिले मागे
आताही रक्षिते पहा
भक्तांसी दिधले सर्वे, आनंदवनभुवनी

येथूनी वाचती सर्वे
ते ते सर्वत्र देखती
सामर्थ्य काय बोलावे, आनंदवनभुवनी

उदंड जाहले पाणी
स्‍नानसंध्या करावया
जप-तप अनुष्ठाने, आनंदवनभुवनी

बुडाली सर्व ही पापे
हिंदुस्थान बळावले
अभक्तांचा क्षयो झाला, आनंदवनभुवनी
रचना-समर्थ रामदास
संगीत - पं. हृदयनाथ मंगेशकर
स्वर - लता मंगेशकर
गीत प्रकार - स्फूर्ती गीत प्रभो शिवाजीराजा
  
टीप -
• प्रतिध्वनी- उषा मंगेशकर, सोनाली राठोड.
उदंड - पुष्कळ.
संध्या - दिवसातून तीन वेळा करण्याची (देवांची) उपासना.